الله على الخوص لامن جمّل الوانه في صنعةٍ من قديم الوقت مطلوبه

مشغولات مْن الخصف منزليّه
تسلم يدين ابْدعت يوم سوَّتها
تراثنا غالي عليك.. وعليّه
ومشغولاتٍ تِبهج العين شوفتها
ولها مِن الدوله رِعايه خصوصيّه
ولها معارض في مواسم رعتها
سعود عائش الحربي - جدة
الله على الخوص لامن جمّل الوانه
في صنعةٍ من قديم الوقت مطلوبه
ماضي وحاضر وباقي تالي احزانه
تراث اهل الجنوب مكمل صوبه
حوافظ اشكال وصناعات مليانه
راح الزمان اللي فيه الدلال مصبوبه
حمد عبدالله الوايلي - حوطة سدير
أنا أواني التراث اللي منِ سْنيني
أحفظ لكم خبزكم واحفظ مآكلكم
عام الحِرَف في الطريق بْخير يحييني
واصير ديكور في أنحا منازلكم
اللي يحب التراث بْمال يشريني
يكفيه إذا طال بي منكم تأمّلكم
محمد مقحم المقحم - الرياض
هذا التراث اللي له النفس تشتاق
رمز الأصالة والكرم ماله مثيل
أعمال فيها ألوان وجلال ودقاق
هذي هي الأعمال جيلٍ بعد جيل
سالم الدوسري - الرياض
نرحب بمشاركاتكم الشِّعرية، وما تلتقطه عدساتكم
من الصور الهادفة والطريفة على إيميل الخزامى:
rb-khozama@alriyadh.com
صورة العدد عدسة - محرر الزاوية «قطار الرياض»