على الناي القديم ومطربٍ جيله تعصّب بالشماغ اللي مجمّلٍ زيّه

تراثنا الماضي على الجيل غالي
بجوار بيته من حجر شيدوه
يلبس له أغلى لبس عند الرجالي
جنبيته من نافعي يوم حدّوه
تاتي من البراق باول مخالي
نحاسها الصناع بيجهزوه
شفنا الطرب موجود عنده مجالي
مزماره أهل الفن كم لحنوه
محمد عبدالله الشهري - مكة المكرمة
على الناي القديم ومطربٍ جيله
تعصّب بالشماغ اللي مجمّلٍ زيّه
يعزف لونه لحونه ويشد في حيله
تحزم في حزامه وفي وسطه الجنبيه
تراث اهل الجنوب باقي مع خيله
رجال السطوه اللي كلبوهم شقرديه
حمد عبدالله الوايلي - حوطة سدير
صورةٍ تنطق بٍساطه بكل شَي
شايب بسيفه ونايه وميكرفون
شايب الرحمن بْظرفٍ ما لِه زَي
شَكَّل اِبداعٍ لمن لِه ينظرون
لو كان فديو كلٍ يراعيه حي
كانوا على لحنه وصوته يحكمون
سعود عائش الحربي - جدة
الناي جزء من ثقافة بلادي
واسبابه الحاجة لتجميع الاغنام
الراعي اللي في الرعاية ستادي
يعرف مطالبها ويفهم في الانغام
والخنجر اللي معه ما هوب عادي
مصدر فخر في لبسنا له وإلهام
محمد مقحم المقحم - الرياض
نرحب بمشاركاتكم الشِّعرية، وما تلتقطه عدساتكم
من الصور الهادفة والطريفة على إيميل الخزامى:
rb-khozama@alriyadh.com
صورة العدد السابق