يا بو رشيد الحل جبته و معروف في جّزو عم قلت سبع و ثلاثين

كان لغز الأسبوع الماضي للشاعر علي الرشيد من رياض الخبراء ويقول:
ياويش رجال موقر ومعروف
جملة بناته قدر سبع وثلاثين
ينسب لوحدة من بناته وموصوف
وهو تمام لاخوته شوفة العين
وكانت الحلول من الشعراء:
يابو رشيد اللغز جيد ومحيوف
حله جزء عم تمام الثلاثين
ذكر منزل للنبي جملة احروف
من فضل ربي يحفظونه ملايين
طلال الرشيد - الرياض
لغزٍ جميلٍ عندنا ياعلي معروف
مِن واحدٍ بالغطو خِبره 00 وتمكين
وحَل الغطو توفيق مِن خالق الشَّوف
ويالله عسانا ل افضل الأمر ساعين
وجزء عمَّ الحل بالذِّكْر 000 معروف
وبنات لِه سبْعة سور مِع ثلاثين
سعود عائش الحربي - جدة
يا بو رشيد الحل جبته و معروف
في جّزو عم قلت سبع و ثلاثين
يا بو رشيد اللغز جيد و محيوف
عساك من الحفاظ و ملازم الدين
محمد بن عبدالرحمن أبو دحيم - البدائع
يابو رشيد اللغز طيب ومحيوف
فكره وظني شفتها من لها سنين
موجود بالقرآن في خمسة حروف
جزء النبأ من دون شكٍ وتخمين
صالح الزرير التميمي - الرس
حياك ياللي بالوفا صار معروف
ابورشيد ومن رجال عزيزين
ولغزك نحله يابعد كل ملقوف
هذا جزو عم على الراس والعين
عبدالله عايد المفضلي - الرياض
لغز الأسبوع
كتبه الشاعر عبدالله عايد المفضلي من الرياض ويقول:
ياويش بنت مشيها ييمين ويسار
تذخر لرجل كل ابدى وقاره
اول وثاني حرف شر من الاشرار
وان شلت الاول شفت بنت بحاره