جرد الصحاري معك ما شوفها جرد

كتبه للصفحة الشاعر مطرب بن دحيم والبيت غزلي ويقول:
يا من جعل نجد العذية عذيه
جرد الصحاري معك ما شوفها جرد
وقد كان الصدى للشعراء رائعاً كالعادة:
لكن ترى طلقات عينك قويّه
مدري فشق رشاش والا فشق فرد
لاجيتني ف الليلة الخرمسيّه
ما فالمساء ظلما ولا ف الشتاء برد
حتى كلامك تصنعه في خليّه
كيلو عسل سدره، وكيلو عسل ورد
من وين جبت أبياتك النرجسيه
شِرد البيوت اللي قوافيّها شِرد
شاعر وتملك موهبه شاعريه
أبياتك العذبات سردتها سَرد
رسمتها واعطيتها جاذبيه
واتقنت مثل اتقانهم لعبة النرد
مطرب كتب له ماركه عالميه
فَرقه مثل فرق الغزاله عن القرد
عبدالعزيزالصقيري - حائل
شاهدت لي شي بذمّه بريه
مثل البكار اللي على مشرعه ترد
يمشن ونظرتهن علينا جريه
ضوامر السرجوف وارقابهن سِرد
ما كنهن إلا من عوايل ثريه
مدري من الأتراك وإلا من الكرد
من شفتهن وانا بحال رديه
افز من نومي وانا قاري الورد
صلفيق الخريصي
خذيت من سوره إله البريه
بأصحاب بستان نوو نيتن حرد
القاف قاضي والقوافي قضيه
شيّب وانا بطرد ورا شعركم طرد
ماهو خطاي ولا عليكم خطيه
ويفداكم اللي هرجته دايما ثرد
راع الهواء معذور شاف الهويه
واللي يلومه جعله الضيم والزرد
عطاالله بن ضافي
يرتاح قلبك للوجيه النديه
زين العذارى تجعل الصيف لك برد
تمشي لك الدنيا معك باريحيه
لوكان ضدك من خصومك مية فرد
دام ان ربي معطياً لك بنيه
أجمل من الريحان وجمل من الورد
فارتاح يا مطرب بنجد العذيه
واطرد همومك كُلها يا فتى طرد
محمد عبدالله الشهري-جبل اثرب
ما في خيالك يوم يطري عليه
بسم الله ماشاء الله واردد الورد
بنات فكري بالقريحة هديه
مغلفة بالكاد والفل والورد
والحب له بالقلب طعنه جريه
واللي يلومك يا ولد جعله الزرد
صالح البشري - الرياض
بيت الأسبوع
كتب بيت الأسبوع الشاعر علي السريعي ويقول
محتاج لي دكتور مبدع وجراح
يكشف على قلب تزايد صوابه
نستقبل صدى هذا البيت خلال أربعة أيام
من نشر البيت على إيميل الصفحة:
rb-khozama@alriyadh.com