الزمن يطوي وحنا سبات ٍغافلين والحضيض اللي تنبّه من الغفوه صحى

كان بيت الاسبوع قبل الماضي للشاعر باني العضاض والذي يقول بيته :
الزمن يطوي وحنا سبات ٍغافلين
والحضيض اللي تنبّه من الغفوه صحى
امس معنا ناس واليوم ضمن الميتين
في هجاد الليل ولّا تباغتهم ضحى
وقد كان الصدى منم الشعراء وزنا وقافية رغم صعوبة القافية :
شعركم حكمه وماقلت ي باني ثمين
تطحن الدنيا الآوادم مثل طحن الرحى
ياكثر من غادرونا وقفّوا راحلين
بين عصمان الشوارب وطلقين اللحى
عبدالعزيزالصقيري - حايل
العمر برهة زمن تقتنصها الغانمين
من طوى حبله محى مع طريق ٍ ما محى
علموهم عن هواها بيوم مغادرين
الحضيض العبد لامن خشى الله واستحى
خلف العجلان - القاعد
هكذا فعل الليالي وانا عندي يقين
والفطين اللي بقلبه عن الضوضا نحى
تضحك الدنيا علينا عسى ربي يعين
والبشر ما تضحك الا ليا سولف جحى
صالح الشاطري - الرياض
الليالي ملح والعمر مثل المارتين
وكل عُوْد باقي دام موجود اللحا
ومن يشوف ان السماء زين شاف الفرقدين
والحسود تشوف بغضه لو ابعد وانتحى
رجا بن عادي الرمال - الرياض
بيت الأسبوع
كتبه للصفحة الشاعر مطرب بن دحيم والبيت غزلي ويقول :
يامن جعل نجد العذية عذيه
جرد الصحاري معك ماشوفها جرد