الآ يا عيونٍ فيهن الزين ماله حد

الا يا عيونٍ فيهن الزين ماله حد
على كثر ما توصف وراء الوصف متعدي
توارد اسهومٍ من لواحظه ما تنعد
اشوفه يدمرني وأنا ويش في يدي
ولو للهوى قاضي ابا اطلب يقام الحد
عليها وانا اللي عارف الحكم والحدي
ليا شافها القاضي تلعثم وعني صد
وحكم بالقضية كلها لاجلها ضدي
سلامي على خدٍ يوصف عليه الخد
ليا صار منه شوي قيل أجمل الخدي
وخشمٍ شبيهه سلة السيف قبل يهد
مثل سيف ابن دحام في نطحة الندي
جمال عليه الزين كله عليه يعد
ليا شافها الزاهد فلا ظنه يصدي
جماٍل تفرد به وغيره عريبة جد
ومن جابها حظه يبى يقول من قدي
لهيلم المويس