همس وعتاب

همس صمت الليالي في خفوقي همس فيه عتاب==0==
==0==وخانتني عيوني وانتثر دمعي على خدي
يعاتبني على زلة سببها وقتي الكذاب==0==
==0==وانا اعَرف الزمان اللي على شانه وقف ضدي
يقول الليل ما تبكي نجومه بدره اللي غاب==0==
==0==وانا أقول النجوم تغار وأفكاري على قدي
يقول اشلون تنسى حبه اللي في ضميرك ذاب==0==
==0==اثرك الفارس اللي لا بنى البنيان ينهدي
نسيت اصل الغرام ورحت تنشدني عن الأهداب==0==
==0==هذيك اللي بها سيوف الغرام العذب تحتدي
وتنشدني عن اوصافٍ جميلة تسرق الألباب==0==
==0==وفتنة عاصفة وسط الخفوق اتجيب وتودي
وجاوبته ترى قلبي خذاه الصقر بالمخلاب==0==
==0==غدى لا واحسايف كيف قلب الصب يرتدي
اثر قلبي مولع بالغزال اللي فتح له باب==0==
==0==وانا كنت احسبه سالي واصد القلب ويصدي
سبا قلبي وخلاني بليا قلب يالاصحاب==0==
==0==وانا لجل المحبة صايرٍ ودي ولا ودي
على شط الهوى عشنا بصرحٍ يجمع الأحباب==0==
==0==لكني لو سبحت ببحر حبه ماسكٍ حدي
ترفق يازمان الصمت لا تكءثر علي عتاب==0==
==0==ترى لو يكثر عتابك جرى دمعي على خدي