حساب الوقت

أبحث ولا ألقى لك من العام مكتوب
وأسأل عسى ما شر طول غيابه
واليوم أبغى شعرك العذب مندوب
يطرق صميم القلب ويفك بابه
ويطمنه عن مجمل الحال باسلوب
كل المشاعر تنتشي في رحابه
هذي رسالة من له الطيب منسوب
يبغى لمضمون التساؤل إيجابه
وحيث إن بعض القول عن كثره ينوب
بالمختصر خذ علم أضمن صوابه
أبشرك من فضل من أرسل أيوب
في خير أنا والستر ألبس ثيابه
لكن وجدت العمر يا خوك محسوب
وسنينه أقفت في هناه وشبابه
ووقفت في عشرين عشرين مرعوب
أجرد حساب الوقت واللي جرى به
وبديت عد أرباح الايام في صوب
وعد الخساير ناحيه بالكتابه
ودققت بالأعداد وأمسيت مغلوب
زود الخساير زود فيه الغرابه
ووكلت أمري ملتجا كل مكروب
من دون شرح الحال، حالي درى به
وأيقنت إن الصحة أهم مطلوب
وشطبت ما كنت أحسب وكل ما به..
عايض الميلبي