بجنة نعيم الخلد يا رب مثواه

قصيدة رثاء في صاحب السمو الملكي الأمير بندر بن عبدالعزيز آل سعود يرحمه الله
الله يايومٍ على الناس مااطولك
ياكبر حزن اليوم وياطول ممساه
ليلة مغيب الشيخ سوادها حِلْك
الصدر ضاق وضيع الفكر جدواه
مرحوم ياللي وارث العز والملك
مرحوم يااميرٍ ذرى العز ممشاه
بندر لياشان الدهر وايامها هلك
عز الفقير محققٍ دوم شكواه
ولا اليتيم اللي عن العوز كافلك
ثم الأرامل ضفها طيب حسناه
حلال عقداتٍ بها الحلم يذهلك
وصعب المشاكل حلها من سجاياه
بالصبر والحكمة مع الحق يوصلك
وبقلبٍ رحمومٍ فايضٍ من عطاياه
بالجود والإحسان والخيرات يشملك
بحر الكرم تندى على الناس يمناه
يالله في قربك وبالاجنان واصلك
يارب قبره روضتن فيه سكناه
نسألك يارحمن يالله نسألك
ترحم عزيزٍ ضافك اليوم يالله
ويالله في نوٍ على القبر ياصلك
يسقي الثرى من طيب النو سقياه
ويالله يالمعبود يامالك الملك
بجنة نعيم الخلد يارب مثوا