قصيدة رثاء في الشيخ عايض القنطاش "رحمه الله" للشاعر محمد عبدالله الظلافيع

قصيدة رثاء في الشيخ عايض القنطاش "رحمه الله"
يالله ياللي تقبل الحج والصوم=ياللي تغفر ذنوب من جاك تايب
تجبر عزانا في فقد قايد القوم=عايض نعم عايض عطيب الضرايب
لاوالله إلا زادت اهمومي اهموم=عقوبتً(ن) طمت جميع العقايب
من يوم غابت ياعرب شمسه اليوم=جتنا المصيبه غير كل المصايب
ماقدر المولى على العبد مقسوم=ياموت ليتك فاطنً ف الزلايب
مرحوم ياشيخ الرياجيل مرحوم=مرحوم يافكاك عسر النشايب
مرحوم يانجمً تعلى له انجوم=ياسايمن وجهه بكل الطلايب
مرحوم ياشيخً من الكبر محشوم=مرحوم يامغلي شبابً وشايب
مرحوم ياللي لاكبرالامر محسوم=مرحوم ياللي كان للحق صايب
يسرح على من كان بالقتل محكوم=ويلفي بعتاقه بعد مجري الهبايب
مرحوم يالقنطاش مرحوم مرحوم=قلته ودمعي مثل وبل السحايب
الشاعر / محمد عبدالله الظلافيع