اصفح وربك ما يضيّع لك عمل

النار في صدرك حرام تشبها
اصبر وخلك حزة الشده جمل
لو بالجمل عله عسيرٍ طبها
يعني كذا والا كذا ما احدٍ كمل
حالٍ مدحناها وحال نسبها
الاوله مضمونها يعطيك امل
والثانيه رحاة تطحن حبها
لا يدخلك من وقتنا خوف وزمل
والنفس جاهدها ولا تعجبّ بها
الادمي دنياه لا راحت همل
اشهد شهادة حق ما يكسّب بها
يروح مرواح الجمل واللي حمل
وسفينةٍ تنجيه ما يركبّ بها
والعاقل اللي في مواقيفه صمل
الناس يكسبها ويكسب حبها
والخاتمه فيما احتوى العلم وشمل
ما للخلايق غير رحمة ربها
أحمد سعود الحمد