قصيدة بعنوان "المدح" للشاعر سعيد بن سعد الزهيري

المدح
نبدأ بذكر الذي لي مدت ايدينه=لي جات مدت يده يا حظ من مده
أرسل فينا رسوله واصطفى دينه=وفضله كبير ولا نحصيه ونعده
الشعر ودي أدور في بساتينه=واقطف ثمار عليها العين من مدة
يا راكب اللي بعد ما تم تمرينه= بريمي ما يرهم في وسط جدة
مخلص وجاهز بالنقد شارينه =واللي يسوقه غلام وافي العدة
(95)الأحمر نوع بنزينه=وخذا المقاضي وما يحتاج من بنده
ولما أصبح الصبح قبًل بوه في عينه=وسلم على خشمه وسلم على خده
وأعطاه بوه الرسالة والله يعينه=وقال هذا كتابي يا فتى وده
مرسول للي هوى الشعر ودواوينه=سلم على كل شاعر وأعطه بيده
وعطني ردوده معك يا القرم في حينه=واللي تباطى معك لا تنتظر رده
الأمر ما يحتمل تأخير تدوينه=المشكلة واضحة ما تنفع الصدة
الشعر صفق على يسراه بيمينه=يوم الشعاعير صوب المدح منهدة
المدح لما كثر يا ناس يا شينه=وما يمحقه كون لي زود على حده
بعض المدايح تذل الشخص وتهينه=والشي لي فاق حده ينقلب ضده
ما يصح كون الصحيح و ناس مسكينة=كنها على شفرة المداح منحدة
يا راعي المدح خذ مني مضامينه=المدح مثل البحر في جزره ومده
يستاهل المدح راعي السمعة الزينة= ولا يمدح اللي فزعاته على قده
واللي على قده خلها بينك وبينه =أعطه حقوقه وركبها على القدة
وراعي الجمايل بلغ حرب وجهينة=وكل القبايل ولا تخلي بها سدة
راع الوفا دايم ترجح موازينه=يكسب سلوم الوفا من بوه عن جده
ما همه المدح لو كثرت عناوينه=يثبت على حالته في اللين والشدة
وبعض الرجال ابتلاه الفقر والدينة=يبي الجمايل مير الفقر يحتده
مثل الجمل لي برك كثرت سكاكينه=الله يعينه على بلواه ويمده
وكم واحد يا عرب ما أكثر ملايينه=لكن يمينه عن الطالات منشدة
ولما بدا لازم كثرت شياطينه=محتار وده يشارك مير ما وده
ما تستوي شجرة الزيتون والكينة=وجدر بليا ظلال ربي يهده
الشاعر سعيد بن سعد الزهيري