(السب عيب)

لي هامة ترقى على هامة السحب
ولي عزة تخضع لها كل عزة
اقدر اهل العشق واقدر الحب
واكن لهل الود قدر ومعزه
اللي لباسه طيب لابد ينحب
ينحب لو جرح الفقر يوم خزه
واللي يسب اليوم له يوم ينسب
واللي براسه شر شره يجزه
بعض الخلايق ماتلاقي لهم طب
الشر فيهم والردى تستقزه
ياللي من الحاجه تصد وتهرَب
يوم البشر راعي الدراهم ترزه
اقنع وعز النفس واسند على الرَب
ربٍ كريم بكل ساعه وحزه
ترا الفطين بدنيته لاتعذب
يصبر ولو يلقى من القلب فزه
خلك على الشده خبير ومدرَب
لاتهزمك طيحه وتنهيك هزه
ابعد عن العيبه بعيد وتغيب
وان جاتك الغلطه فلا به منزه
لك حق تعتب لكن اياك تغتب
والسب عيب ولاتحاول تدزه
ومن النميمه والكذب لاتقرب
منهو قصدها للمهالك تكزه