كان كاتب لغز الاسبوع الماضي الشاعر احمد بن ناصر المحرج من الرياض والذي يقول: انا بنشد عن بنيه دقاقة جسم وضعيفه ولكن قامت بدور(ن) صعيب وغاية التكليف بها امن وبها عز وبها للناس تخويفه بفزعتها لرجل(ن) كان جبارلهم ومخيف لها وقفه مع الرجال ربيع الوقت اوصيفه وترى اللي مثلها واجد حقيقه مابها تزييف وقد توصل للحل شعرا: يبو ناصر وانا بكيفي وكلن يمشي بكيفه ابسرج لك خيول القاف واشعل شمعة التوصيف عصى سليمان يوم إن الليالي كانت مخيفه على ماضي الزمان اللي غدى معه الزمان رهيف خالد بن يوسف الجبر - الرياض يا احمد بن ناصر يامكرم جاره وضيفه خذ الحل السريع اللي رمعته ياعزيز الضيف عصى سليمان صورها الولي بامره على كيفه وهذا الحل واظنه صحيح ولابه التصييف عبدالرزاق الزقروطي الشمري سلام الله ياعادي عدد ما هل في صيفه من مزونٍ على الوديان سالت مع بوارح صيف وللشاعر ابن محرج تحية قرمٍ لضيفه ولغزه هي عصا سليمان رمعه كان صاب السيف عبدالكريم الراشد التميمي - الغزالة. نحب الصاحب الغالي ونفرح في سواليفه .. عسى التوفيق يبرالك دوام بالشتاء والصيف قريت اللغز واعجبني وشاق العين تصفيفه .. ابن داوود منساته تراه الحل والتعريف علي رشيد الرشيد - رياض الخبراء يامرحباب ك ياهلا الضيف واجب نضيفه .. واللغز عندنا نحله عصا سليمان يالحريف عسى الرمعه توافق له ولا كل على كيفه . تصفح صفحة خزامى ترا فيها يطيب الكيف محمد ابودحيم - البدائع هلابك يابن محرج بس لغزك صعب توصيفه ترى لغزك يكلف من يحله يافتى تكليف ترى قلنا عصا سليمان والله ماضي كيفه انا قلت انها تعرف فلاكن يلزم التعريف سعد صنهات السهلي الدرعية لغز الأسبوع كتبه للصفحه الشاعر دكتورطبيب بتال بن عبيد الدوسري من الرياض ويقول لها ثلاثة روس مركابها الجيب لاهوب نيسان ولا هو شروكي راس تجيب العلم لو كان به عيب وراسين تنقلها لسمع الملوكي نستقبل الحلول عبر الايميل [email protected] او الفاكس 014871070 كما نرحب بطرح الألغاز الجيدة
