لغز الاسبوع الماضي كتبه للصفحه الشاعر بشير عبدالله بن رمال من الجوف الذي ويقول: انشدك عن عود به الشر والخير قوت البنات الزاهيات الرعابيب خمس حروفه بس ياهل التفاكير ياللي تعرفون السنع والمواجيب حرفينه الاولى عشير المناعير وآخر ثلاث حروف يجفى هل الشيب وكانت رمعات اللغز الصحيحة شعرا: اهلا هلا مازان نبت النواوير بالشاعر اللي ماترك للمواجيب والحل جبته يارفيق المناعير بنزين واظنه صحيح بلا ريب احمد بن ناصر المحرج - الرياض ياناشداً عن حل لغز الجماهير تحير فيه عقول وعقولً تصيب العود أصله مصدره قاعة البير بن النشاما يتبعه زين يالذيب محمد بن سطام العريعر يا مرحبا والله يمسيك بالخير بنزين حلي قوت كل المراكيب بشير أدوختن بكثر التفاكير كل البشر يا فلان به مخطي و مصيب دانة بنت عبدالله السلطان - الرياض والحل اجيبه ياوسيع التباصير بنزين حله ياوجيه الاصاحيب هذى جوابي ياصلك حزة عصير وابيك ياعادي تجيب الاصاعيب حمد عبدالله الوايلي - حوطة سدير احترت في حله و ادير التفاكير و اللغز خمس حروف يا راعي الطيب حاولت احلل رمعته وش يبا يصير و لقيت بنزين المواتر عسى يصيب ناصر عبد الله السبيعي - البدائع ياالي بنيت اللغز صبحك بالخير اللغز حله عندنا ياهل الطيب الحل بنزين يغذي مواطير ارجو لعل الحل بأبياته مصيب علي الرشيد - رياض الخبراء ياهشام شب النار و ادن المباهير و البن دنه يا حصان الاطاليب اللغز هذا حير الفكر تحير قلت انه البنزين تختطي او تصيب هشام بن عبد الله السحيباني - البدائع لغز الاسبوع كتبه للصفحة الشاعر علي الرشيد من رياض الخبراء ويقول: بنت تبختر لك تجي دون ميعاد وتغمض بعينك وتمشي لها طوع يمكن تجي مرة وأحيان تنعاد ماتسكن الا فوق والراس مرفوع نستقبل الحلول على البريد الإلكتروني [email protected]
