كان لغز الأسبوع من طرح الشاعر خالد إبراهيم المرشود من الرياض ويقول: ويش البنات البينات الذليلات متوازيات يهينهن كل رجال فيهن تقدى لاجل فيهن شارات وعيونهن زرق على كل الأحوال ورمعات اللغز الصحيحة من الشعراء: يامرحبا والحل حول الملفات تدوسهن ويدوسهن كل رجال قالوا عيون للقطط وهي لمبات هذا جواب اللغز يا طيب الفال محمد عبدالرحمن ابو دحيم - البدائع وسط الشوارع للسواويق ميزات تنبه السواق لو انحرف مال عيون القطط بين الطرق في المسارات هذا جوابه يوصلك عبر الارسال احمد بن ناصر المحرج - الرياض سلام ياللي جاب لغزه بالابيات خالد ولد مرشود كريم الاسبال واللغز حله يابن مرشود لمبات عيون القطط من فوق الأسود لها أشكال صالح البشري - الرياض حييت يا خالد بزين التحيات قريت لغزك ياصلك حل بالحال لمبات توجد بالمخارج كثيرات هذي عيون للقطط عدة اشكال علي الرشيد - رياض الخبراء يامرحبا بك ياربيع الونيات باعداد ماهل المطر والوطى سال واللغز حله بين كل المسارات عيون القطط ان كنت للغز حلال خلف الجزاع - الخفجي اللغز حله واضح بالعلامات وأقول صح القول يا طيب الفال ترى عيون القطط لها شارات هذا هو حل اللغز ياصلك بالحال فالح غازي الحربي - رياض الخبرا ونثرا خلف بن عايد السّحوم /بريدة لغز الاسبوع كتبه للصفحة الشاعر بشير عبدالله القحطان من الجوف ويقول: انشدك عن عود به الشر والخير قوت البنات الزاهيات الرعابيب حروفه اربع بس ياهل التفاكير ياللي تعرفون السنع والمواجيب حرفينه الاولى عشير المناعير وثالث ورابع حرف يجفى هل الشيب نستقبل الحلول على البريد الإلكتروني [email protected]
