اللغز

كان لغز الأسبوع للشاعر علي الرشيد من رياض الخبراء والذي يقول:
يا ويش رجال يعرفونه الناس
بناته أربع وأربعه له عيالي
والكل منهم له مقادير وقياس
بدايته مر وعينه بتالي
وقد وصل الصفحة 43 حلا لم يصب برمته سوى:
يامرحبا باللي على العين والراس
اللي حبك لغزه بفن وجمالي
يبي المربع صاحبي طيب الساس
هذا مراده دون شك وجدالي
صالح الزرير التميمي - الرس
لغز الرشيد اللي انكتب وسط قرطاس
ومبينه وسط الخزامى يلالي
فيه المعاني صافيه در والماس
ذاك المربع حله اليوم جالي
عبدالمحسن بن محمد المحيسن - رياض الخبراء
أنا لقيت الحل من بعد هوجاس
وأجيب للنشاد حل السؤالي
حله مربع كل الأضلاع تنقاس
هذا حسب ظني جواب مثالي
طلال الرشيد - الجبيل الصناعية
يابو رشيد الحل جبته من الراس
يابو رشيد الحل ياصلك حالي
هذا المربع له مقادير و قياس
هذا جواب اللغز ماله بدالي
محمد بن عبدالرحمن أبو دحيم - البدائع
يامرحبابك عدماهب نسناس
واعدادماهبت هبوب الشمالي
هذى المربع راسمينه بقرطاس
وكاد حله مايبي له سؤالي
حمد عبدالله الوايلي - حوطة سدير
وحله نثراً:
عبدالعزيز السكيت - الرياض
خلف بن عايد السّحوم - بريدة
محمد سليمان - الرياض
لغز الأسبوع
كتبه لصفحة الشاعر أحمد بن ناصر المحرج من الرياض ويقول:
الوسط ملفوف ودايم صغيرة
موجودةٍ في بنت مختلفة احجام
بالعين شفناها ترى مستديرة
وإلى ضغطت الراس تروح قدام
وترجع بعد لحظات بحاله خطيرة
متغيره في لونها والجسم حام
نستقبل الحلول على البريد الإلكتروني
rb-khozama@alriyadh.com
وذلك خلال أربعة أيام من نشر اللغز.