عاد عيدك ياوطن

يعيد عيدك ياوطن دامت سنين
وعيد الملوك الي فدتك بجهدها
ويعيد عيد الشعب دونك مفادين
بارواحهم ياجات حزة وعدها
ويعيد عيد معسكرات الميادين
الي على الجبهه تصالي وقدها
الله ينصرهم معي قولوا امين
على العدو يعطون كبده كبدها
والله يرحم من رفع راية الدين
بنا بيوت الدين ركز عمدها
عبدالعزيز مطوع القاسيه لين
صارع صعايبها ولاقى نكدها
يوم القبايل للقبايل معادين
وام الولد مفروقتن عن ولدها
ساقا الركايب فوق روس الشيطاين
وطى على الفتنه وقطّع عِقدها
من كثر حب الدار ماتِمرح العين
كم ليلتن من شانها مارقدها
وحد بلاده من جهة كل حدين
واهل الحسد مدحورتن في حسدها
حكم بها في عام واحد وخمسين
سيّس قواعدها وثبت وتدها
واليوم في تاريخ ستة وثمانين
عامن تعيش المملكه في رغدها
من فضل رب البيت رب المصلين
سلمان هو زيزومها هو سندها
سلمان من روس الملوك السلاطين
شال الامانه واحتفظ في عهدها
سلمان درع الدار طلق الذراعين
خاض المعارك والمنايا وردها
بصقور جوّن يسبقن الشياهين
شبه الحرار الي ينومس هددها
خلوا بلاد العنف مثل البراكين
خسرت كتايبها وخسرت عتدها