بيت وصدى

كان بيت الاسبوع من طرح الشاعر عبدالعزيز الصقيري حول موضوع خروج مزاينات الابل عن المألوف واصبح يتعدى لمباهاة أهل الأبل وظهور العصبية القبلية بشكل ملفت للنظر وكان البيت يقول:
زاد التباهي فيك يامزاين البل
حتى غدا مزاين صياوين وبيوت
وقد كان الصدى من الشعراء:
أهل المظاهر من تجيهم لهم قل
تبذيركم بخو الشيطاين منعوت
رب السما يمهل ولاهوب يهمل
مال عطاكم ينزعه نزعة الموت
منتم ترى من شاكي القل في حل
يدعي عليكم سر وإلا رفع صوت
فهد بن عقيل الطويان - بريدة
البذخ زاد البذخ فينا ولاكل
ما باقي الا البل تلبس لها بشوت
صرنا نتفاخر بالقبايل ونشعل
نيران حرب باردة جعلها تموت
البل نعمة ياعرب ترجي الحل
وحنا ما غير نسابق الصوت بالصوت
الشاعر - نديم الجرح
جتنا علوم صايرة هرجة الكل
شوفو بعيري بالحلا دوم منعوت
صار المزاين والمباهاة بالبل
بعير بالمليون وفلوس سحوت
خرج عن المألوف شوفو لنا حل
حلو المزاين بس بركود وسموت
عيسى دبيان الحربي - الرياض
ذي عادة يا شينها ياهل البل
اسراف تلو اسراف بأموال ومسحوت
خلو مزاينكم بلا اسراف للكل
على البساطة وصاحب العرف مبخوت
شفنا القبايل بالتباهي تواصل
موروثنا نحميه بالشكر وسموت
محمد عبدالعزيز الخنيفر
أشيقر
بيت الأسبوع
تجاوبا مع مقترح الأخ خالد الحماد من الرياض حول موضوع بيت هذا الاسبوع حول الاستسقاء أرسل لنا الشاعر علي مونس الجدي من الرياض هذا البيت:
يالله بنو كثيف المزن تنشيبه
تسقي به أرض تحرى الماء وعطشانه
نستقبل صدى البيت بثلاثة أبيات فقط على الفاكس 4871070او الايميل khozama@alriyadh.com
مقترح لبيت الاسبوع القادم
بعث للصحفة الأخ حمد الوايلي موضوعاً لبيت الاسبوع القادم وهو "تخلف الحجاج" وماله من آثار غير جيدة بعد موسم الحج.