خلاص

حبك عليه «القاز» ياهيه صبيت
واشعلت فيه النار ماني مراوي
خلاص لا تحاول ترى عنك صديت
ما بغاك لا تكثر علي الشكاوي
شفت الذي سويت واوحيت ما وحيت
ولا قول غير الله يعين الشقاوي
وشعاد لونك بالحلا ذائع الصيت
او ان عينك مثل عين النداوي
لو شفت نفسك يالصغير «إتكيت»
اصبحت عندي والقبيح امتساوي
عزالله اني عن غلاتك تداويت
واليوم انا عن شوف مثلك غناوي
حتى عن ديارك بعدت وتنحيت
ما عاد لك يمي رموع وحراوي
عزيت نفسي عنك وانت استذليت
وانا على عزي بعيد الهقاوي
القى بدالك من بها ينور البيت
ياكثر والله لابسات الغشاوي
النفس طابت وافرحوا يالشواميت
ولحد كشف سر الفؤاد الهواوي
يوسف الميموني