سكر

لولا الرجا والخوف من خالق الكون
لا قول مخلوق على شان أحبك
لكن اخاف الله ولا نيب مسكون
بس الهوى مني تمكن وصبك
ظلك بقلبي والمخاليق يدرون
كن البشر شافتك يومه ينبك
كل الشموخ بداخلي جاك مقرون
ويا شموخك واجتمع وانتصبك
الكون مظلم قبل اشوفك بلا نون
كنه تعمد قدم عيني يشبك
برق الهوى يمطر على القلب بمزون
يوم استدار الحظ يمي وذبك
شفت الهوى والشوق والذوق يبكون
كلن يبيك ومنوته يكتتبك
ذاب الغلا في زحمة احساس وعيون
من لهفتي بشرب وروحت اعبك
كن الظما في داخلي قال ممنون
وعقلي يقول الله ربي و ربك
والقلب ضايع ذنبه ايقول مزيون
في ضفتينك بين قلبك ولبك
كل الرزانه جاثيه فيك وبهون
كن الحلا ما شاف غيرك وطبك
راح الحلا ينبت بلا عرق وغصون
في وجنتينك يثمر وينتسبك
صار ايتكاثر واجتمع فيك بجنون
سكرك وفيك ويرتفع ما يكبك
اكذب عليك ان قلت مانيب مفتون
ابك اعتبرني سكرك يوم احبك