كتبه للصفحة الشاعر خليف فهيدالحربي من الرياض ويقول : انشدك عن رجل يسابق خويه دايم على ماقيل ترتيبه اول اله علاقه مرتبط مع اخيه هاذي حقيقه مثبته لاتهّول اثنين تربطهم علاقه قويه من خلقة الدنيا وتبقى تجّول والحلول من الشعراء: يا خليف لغزك صار له قابليه الحل يوصلكم بميل محول برق لمع لا صرت بأرض خليه والرعد بعده صدق ما هو مقول علي رشيد الرشيد-رياض الخبراء مع بعضهم يجون دايم سويه ويجي بعدٌهم رجل نوبٍ يطوٌل برق ورعد والغيث عقبه حريه ياالله بسيلٍ مدلهمٍ يهوٌل احمد بن ناصر المحرج /الرياض الوسم قرب باقين به شويه والليل طال وللبراد يتحول البرق حله والرعد له دويه واظن صبت الحل ماني مطول عبدالله الرفيعي /البكيرية البرق حل اللغز نيه بنيه عندي خبر يا خليف من عام الاول برق ورعد يا خليف فكره قوية الله يجيب الخير حتى نتجول محمد ابودحيم -البدائع للرب في سحبه ظواهر سويه وحده تجي ثاني وحده هي أول برق تلالا ثم بعد مضيّه رعد يجلجل سنٍة ما تحول عبداللطيف الحُمَيَّانِي - عنيزة اللغز وارد قلت ميه بالميه وارد على ماقيل شكله يهول هذا الرعد والبرق رمعه قويه بمر لله اللي بامره الوبل حول سعد صنهات السهلي - الدرعيه ياخليف برق ورعد مافيه زيه في حزة يازينها لو تطوِّل البرق تال الليل يازين ضيَّه سنة رفيع العرش لا ما تحوَّل د. قاسم الداود- الدمام لغز لحربي واضح بالهويه تراه برق ورعدثاني واول البرق اسرع ثم بعده شويه هذي حقيقه ثابته ماتحول محمد بن سليمان العجلان - الرياض لغز الاسبوع يكتبه للصفحة الشاعر ضمن عواد السناني من ينبع البحر ويقول: ياويش خطوه مالها فوق الثرى جره واثر واللي تبع خطوات صاحبها يشوف اثارها لسار في دربه وقص اخطاه لو طاح وعثر يشمت عدوه لا غدا في درب تسعر نارها نستقبل الحلول على البريد الإلكتروني [email protected] أو الفاكس 014871070 كما نرحب بطرح الألغاز الجيدة
