كان كاتب اللغز الماضي الشاعر خليف فهيد الحربي من الرياض ويقول: ياهل الخزامى اللي تحبون الالغاز عندي لكم لغز جديد مسويه ياويش رجال مع الغرب مافاز بالغرب مايذكر مير الروس تغليه رمز على ماقيل محبوك ممتاز عند العرب معروف والناس تقنيه وتوصل للحل شعرا : لغزك على معنى وقافك على از والحل عندي واقول ياطيب راعيه عقال بالصورة على شكل برواز رمز لنا مشهور نحبه ونغليه صالح البشري يا مرحبا يا خليف واللغز ممتاز انا اشهد إنك وافي معتني فيه حله عقال وبعض الأنواع ما فاز احرص على الطيب الا جيت تشريه علي رشيد الرشيد-رياض الخبراء يا مرحبا باللي يشارك بالألغاز أتحفتنا بالزين زودتنا فيه لغزك جميل والمعاني لها حاز حله عقال نعتني به ونشريه طلال الرشيد-الجبيل يا مرحبا واللغز جيد و ممتاز حل العقال اللي على الراس نغليه بعض البشر يقول ملبسه ما جاز وانا أقترح لا جيت تصلي توطيه محمد أبودحيم العريني -البدائع اسمع لحل اللغز من راع الألغاز هذا العقال اللي على رأس راعيه أحد يحط عقال واحد عنه جاز وكل على كيفه ويتبع مشاهيه حبيب فريح الحربي-البدائع يا مرحبا تعداد من بالهدف فاز وعداد همال نزل من مناشيه اللغز واضح في بيوته وممتاز حله عقال يعتلي راس راعيه فالح غازي الحربي-رياض الخبراء اليكم حل اللغز شعرا فيما يلي نبي نشارك من يحلون اﻻلغاز مادام حل اللغز بانت مواريه رمزا على روس العرب فخر واعزاز واليعربي هو من يبيعه ويشريه والسلام .زبن مقبل العنزي - بريدة يابو فهيد الشيخ مرحوم ابن باز قال العقال اعقال لاكن مابيه لوتئسله عن ملبسه قال لك جاز واللي يبيه يروح لسوق يشريه سعد صنهات السهلي - الدرعية ريح النفل فواح والعطر قزاز وخليف شاعرنا ترى اللغز بانيه لغز الخزامى واضح وسط برواز شفت العقال الزين مرعز وشاريه عبد المحسن المحيسن -رياض الخبراء لغز الاسبوع يكتبه للصفحة الشاعر صلاح اليابس من الدمام ياويش خطٍ فوق خطٍ يخطا واللّي يخطه مسرعٍ ماهو مظبوط أحدٍ بعد خطه نشوفه مغطا وأحدٍ بعد خطه مقيد ومربوط صلاح بن عبدالله اليابس - الدمام نستقبل الحلول على البريد الالكتروني [email protected] أو الفاكس 014871070 كما نرحب بطرح الألغاز الجيدة وننوه بعدم المشاركة الازدواجية بين اللغز وصوت الصورة واختيار احدى الزاويتين.
