لغز الاسبوع الماضي كتبه للصفحة الشاعر سعد صنهات السهلي من الدرعية يقول فيه: ويش رجلن بس يمشي ومشيه للامام بس مهماصار ويصير مايرجع ورا دوم صامل في مسيره ولا فيها كلام لو بتشرا رجعته بالملايين انشرا والحلول من الشعراء: استمع للحل بالمثل بحب واحترام صيدكم صدناه والصيد في جوف الفرا العمر هو حلها والبشر لهم ختام من يصيدن المنايا دفن تحت الثرا سعد السبيعي - الأفلاج يوم جبت اللغز يالشهم يالذرب الهمام العمر حله ودرناه ياللي مادرا تمضي العمار وياحظ من صلى وصام ويا بخت منهو تزكى وحج لأم القرى د. قاسم بن محمد الداود /الدمام ياالله إني طالبك عفوك وحسن الختام كل شي بأمر رب العباد مقدرا ( العمر ) يمضي وكل لهى وسط الزحام ضايعٍ وقت المسيكين تقل مخدرا احمد بن ناصر المحرج/الرياض الرجل اللي تقولون مشيه للامام العمر مافيه رجعه الا منه سرا سيرته عبر الليالي وعام تلو عام لا يرجعه الملايين ولا دمعن ذرا بدر بن محمد العجلان (العمر) يجري براعيه عامٍ بعد عامْ له اجل عند الذي خالق كل الورى لايؤخر لايقدم ولايخالف نظام وعدٍ الله كاتبه يعرْفِه منهو قرا عبداللطيف الحُمَيَّانِي / عنيزة كل ماروّح بيوم نقص عام وعام والعمر حل اللغز لن مشي ولاّ جرا الآوادم لنقضى اعمارهم قالو سلام ولنقضى للآدمي عمره يرجع للثرا محمد ابو وصل الله / مكهالمكرمه ياسعد من صالح لك سلام في سلام ياصلك مخصوص يالقرم من بين الورا وحل لغزك عمر الانسان مافيها كلام وكل يوم يروح ياصاحب عمرك سرا صالح ابراهيم السنيدي- الحرييق- مرحبا بك يا سعد عد ما يمطر غمام يا هلا يا مسهلا عد حبات الثرى حل لغزك هو عمر ما يعود ولا ينام وقت ماشي والبشر كلهم فيه خشرى علي رشيد الرشيد- رياض الخبراء العمر يا سعد حله ولا فيها كلام كم واحد راح عمره وهو لا ما درى رابح اللي يرضي الله تهجد بالظلام يالله حسن الخاتمه والعمر ما ينشرى محمد ابو دحيم - البدائع حي لغزن جبت انا بدع حله بالهمام صاغه البيطار يقدم ولا يرجع ورا قمت افكر لي شويه و جبته ياسلام العمر مايباع لا لا ولا هو ينشرا فراس الحربي / الرياض سعد لغزه واضح للملا مابه كلام العمر يمضي ولاهو بيرجع للوراء العمر يمشي مع الوقت عام باثرعام أقضه بخير تفوز ان حشر كل الورا محمد بن سليمان العجلان _ الرياض كل الغازك لنا مابها ايا كلام وكل ماتبدع من القاف كل له قرا واللغز عمر ابن ادم ونهديك السلام والشتا قرب وجا ياسعد لبس الفرا علي عبدالرحمن السحيباني/الرياض عبر صفحات الخزامى تحيه واحترام لكل من شارك بصفحاتها واللي قرا لوتحاول رجعت العمر مارجعت عام العمر ماراح منه مايرجع للورا عوض لافي الرشيدي ياخزامى بلغي سعد مليون السلام ياصله مخصوص مني عد رمل الثرى وبلغي عادي معد اللغز عطر الخزام والعمر حله وصلوا على خير الورى علي الزولاني الفيفي/بيشه لغز الاسبوع يكتبه للصفحة الشاعر خليف فهيدالحربي من الرياض ويقول : انشدك عن رجل يسابق خويه دايم على ماقيل ترتيبه اول اله علاقه مرتبط مع اخيه هاذي حقيقه مثبته لاتهّول اثنين تربطهم علاقه قويه من خلقة الدنيا وتبقى تجّول
