الأيام وأنتي

الوقت وظروفي والأيام وأنتي
ما فيكم اللي خاف مولاه فيني
كنت أرتجي فيك العزى لين بنتي
وأثر الخفايا مع زمنها تبيني
رهنت قلبي حب وانتي رهنتي
قلبي لتجريح الزمن والونيني
من الوريد أقرب على القلب كنتي
ومن رمش عيني كنتي أقرب لعيني
ليتك لقلب اللي عطا الحب صنتي
قتلتي الخافق وهو في يميني
الله وأكبر شان وقتي وشنتي
وازداد جرحك مع جروح السنيني
جيتك شعور صادق وبي سكنتي
من صدق حبي واضح لك حنيني
أنا حضنت الحب وانتي دفنتي
كل المعاني الساميه لك بعيني
واليوم روحي لو حزنت وحزنتي
حب وتوفى كان بينك وبيني