يا موطني نفديك بالمال والروح

من اقصي شمال العز لأرض الصلابه
اللي بها إطلاق الصواريخ مسموح
مع طايراتٍ فوق وبل السحابه
والمدفعيه من جبل لاطرف السوح
ترجم منهو ماحشمنا جنابه
اللي عطينا له ونقول مسموح
وخان العهد وراح زمرة طلابه
صاير ايتمادي ويزرع الشر ويبوح
ويمشي على أرض السلام ابخرابه
اليوم جاه العلم علمٍ بلا امزوح
علم سؤاله ضامن له اجابه
من رأس منهو بالصعيبات ممدوح
ويمشي على نهج الرسل والصحابه
سلمان ثم سلمان ابروقه اتلوح
عز وفخر وطيب زايد مهابه
وسلمان ثم سلمان للشر ذابوح
وما ذعذعت ريح الجبانه اثيابه
المجد مطلبنا معه وين ما يروح
ومن عاش بالحيلات نصك بابه
يانجدنا ياحجازنا فدوتك روح
اللي غلا ارضك بجوفه صطابه
هبي بعزك وأرقى المجد بصروح
اصقورنا بالجو وارضك ذيابه
وامواج بحرك تعصف الجزر وتروح
على عدوٍ ماحسبنا احسابه
الله خلقنا للعدوا نسلب الروح
ودون الوطن ما فيه شئٍ نهابه
محمد بن عامر المريخان