كان بيت الأسبوع الماضي لمعد الزاوية عادي بن رجا بن رمال الشمري حول اهمية اللحمة الوطنية ومحاربة الطائفية والتكاتف يدا بيد للحفاظ على أمن الوطن ويقول: حنا جسد واحد وطنا لنا روح نفدي ثراه وننبذ الطائفيه وكان صدى البيت من الشعراء: الحمد لله دارنا دار الأمجاد دار الحرم دار الكرم والحميَّه فيها الأمن والخير والطِّيب قد ساد في مملكة حبٍّ بلا عنجهيَّه فيها اتحدنا شعب وأرواح وأجساد درع منيعٍ للبلاد العصيَّه من عزِّنا غيض العدا دوم وقاد لبلادنا كادو علومٍ رديَّه منا الوفا رغمٍ على كل حساد ندحر أهل الارهاب والطائفية ناصر جمعان آل عوض- وادي الدواسر المملكة تمشي على الحق بوضوح على الشريعه خطته منهجيه شيء يضر المملكة غير مسموح واللي تعدى تلحقه نار حيه مع القيادة شعبنا يبذل الروح حب الوطن خلا العلاقة قوية واللي مشى بالبلبله فاقد الروح ماينفع لنفسه ولا للقضيه علي رشيد الرشيد- رياض الخبراء ي مسبب الفتنات مانلت مصلوح وفي صفنا معاد لك قابليه انكان لحمتنا لك تنقض جروح ف ابشربها مادامت النفس حيه نعلن وفانا عبر الاعلام بوضوح مع الحرس والجيش والداخليه امواطنين وللوطن نرخص الروح لا امر القياده نعتبر في سريه غنام مسعود القريني- نعام يبقى تراب وسطه أحباب وصروح شامخ طوال الوقت صبح وعشية كل غيور اليوم مخلص وطحطوح محمي من الأشرار وأهل الأذية وبكل صوح مفرق الجمع مفضوح منبوذ راعي الحقد والعنصرية محمد إبراهيم الفهيد- الزلفي هذا الوطن حبه تعلا على الروح ارواحنا تفداه ورب البرية مهما حصل اخوان والقلب مفتوح حسادنا ماله ترى مقدريه المعتدي مطروح من وين ما يروح0 لا بد شرع الله وياخذ جزيه أمن الوطن واجب ولو راحت ارواح أمن وامان وعز والنار حية عثمان ابراهيم الرشيد - الرياض حنا جسد واحد وطنا لنا روح نفدي ثراه وننبذ الطائفيه شعب وحكومه والأمن ما به أمزوح ولحمة وطن حول القياده قويه والي نوى مكرً بلاشك مطروح بمرالولي رحمن رب البريه يا دار دونك زاهدينً لك الروح ولمن تعزويتي رجالك أهنيه بالحق والأيمان والغدر مفضوح سواسيه ولا نبي الطائفيه خالد بن عبدالله بن حمد الصفيان- الرياض علم لفاكم وللبشر دوم مطروح فيه الفوايد واضحه مو خفيه هذا خطاب جاك بالعلم مفتوح راح الزمان اللي به الجاهليه يا خاين بلاده ترى مانت مسموح ﻻ تطاوع اهل الفسق ناس رديه ريان محمد الخنيفر - الرياض حب الوطن وشم على الصدرما يروح حُبٍ قوي يعادل الجاذبيه أمن الوطن نعمه بها الصدر مشروح منها حُرمْ من عاصر الجاهليه مِن فارق الأوطان لابده ينوح تغسل خدينه عبرةٍ هاشميه حي بلا موطن مشرَد ومجروح في ظل رحْمة هيئةٍ عالميه عبداللطيف الحُمَيَّانِي- عنيزة امة وسط نبني لنا المجد بصروح ابدابد ما نقترف للدنيه يلي تفتن اصبرشوي مطروح نلوي ذراعك بالضحى والعشيه حنارجال واعيه صح بوضوح خلف الحكومه والحكومه وفيه ياهل الضلاله فكركم زيف مفضوح ماتنطلي افكاركم يالبغيه حمد عبدالله الوايلي- حوطة سدير بيت الصدى وافي ترا اليوم مطروح جزل المعاني والمعاني مليه لحمة وطن نبني بها مجد وصروح كل الوطن ياقف في وجه البغيه من يشعل الفتنه ترا اليوم مفضوح أمن الوطن بيد الجنود القويه كم ضربة في وجه حاسد ومشفوح الشعب واحد والحكومه وفيه عبدالمحسن بن محمد المحيسن- رياض الخبراء قتل البري بدين العدل غير مسموح حرّم بكتاب الله وسنة نبيه كلام رب الناس واضح ومشروح لاتطاوع العدوان والشرذمية كل الشرايع والمذاهب قبل نوح كلن على دينه بلا عنصرية الدار يرجي حضرتك تبني صروح بدولة على كل العدل عالمية سعود بن عبدالعزيز الهزاع- نعام بيت الاسبوع يكتبه اليوم الشاعر حمد عبدالله الوايلي من حوطة سدير ويقول: فكرالجهل ابعدعن الدين الاسلام وفي سبته راحو شباب العروبه نستقبل صدى هذا البيت باربعة أبيات فقط تدور حول هذا الموضوع ويفضل الإرسال عبر الإيميل: [email protected] أو على الفاكس 4871070/ 011 كما يسرنا مشاركة القراء بموضوع البيت ومن الشعراء بطرح بيت الاسبوع حول أي موضوع.
