يا روح روحي

==1==
يامن سببها لذيذ النوم هاجرني==0==
==0==كنء في عيوني جيوش وخيل حرّابه
الجادل اللي غلاها حيل ذابحني==0==
==0==حبه ملا خافقي أموت وأحيابه
من قيض عاما وأنا ربي معاقبني==0==
==0==يا نعنبو الحظ كان الحظ ما جابه
أدري وعارف على صدي معاتبني==0==
==0==عساه يدري عن صدودي وش اسبابه
اسباب صدي زمانٍ منه حارمني==0==
==0==كشّر ابوجهي ويضحك ما عطا "جابه"
تبغى الحقيقة حبيبي كان سامعني==0==
==0==هذا زمانٍ يعز أذنابه أذنابه
لكن حبيبي فديتك لا تضايقني==0==
==0==ابشر بعزٍ يغيض اصحابك أصحابه
ما دام حظي على وصلك معاندني==0==
==0==هدرت دمه وكلٍ يحسب احسابه
ترى المساري صعيبه وأنت خابرني==0==
==0==ما كل ليلة دجا يسري بها ذيابه
من غبت عني سهر عيني ملازمني==0==
==0==كن للسهر في محاجر عيني اطلابه
ابو رموشٍ بحد الرمح ساجتني==0==
==0==اضيع من نظرته وأموت فاهدابه
امّنتك الله حبيبي بس سامحني==0==
==0==امسح ادموعك ما دام ان بعدي اسبابه
قلبي من الهم والفرقا مسامرني==0==
==0==الله يعينه من اسبابك على مابه
النوم عقبك حرامٍ ما يسارقني==0==
==0==كنّه على الراس وقّافٍ بمشعابه
يا روح روحي ترى تنهى وتأمرني==0==
==0==متى على الله يشوف الغايب احبابه==2==