الإنسان والمنفى

الشعر كنز الضلوع وللسما مرقى
يلفني في دفاه وزاهي ازهاره
حضن الوجع، والسهر، والدمعة الزرقا
وعلاج قلب الجريح، ومدفن اسراره
كتبت به للمدى .. لليل .. للورقا
للذاكرة، والقمر والكحل، واسفاره
وخليت به فالبحر تلويحة الغرقى
والبر خليت به سكة، وسيارة
واشعلت به في ظلام الخوف والفرقى
جمرة أمل واحترق شوكه وصباره
ما يعترف باختلاف الغرب والشرقى
ما دام الانسان والمنفى هي اقداره
يحمل قضية يلوح بغيمها البرقا
ويدم كثر الحكي والناس ثرثارة
ويحمل جروح الغلابا لين ما ترقى
فوق المشالح وفوق العرش واعذاره
الشعر هذا النذير لموتة السرقا
«يوم الجنايز لها فالارض قبارة»
الشعر صوت السما والموجه الزرقا
والليل الابهم وباب القصر واسواره
الشعر ظل الشعور وجادل الطرقا ..
لو ينثني ..ما خطف من سلة ازهاره