متعب سما للخير

ماابطى المطر عنا و شحت غيومه=ومتعب سما للخير غيمه والأمطار
ولو ادلهم الخطب وارسى سهومه=طاريه لجروح المقادير بيطار
وإن ولعت جمر الحسد في خصومه =طيبه تفوح ابه المباخر والأخبار
وش هم من حر الزمان و سمومه =ومتعب جبال الثلج يا لفحة النار
هو رحمة الله جعل ما نشوف يومه =يبطي طويل العمر ، سلوان الأقدار
اللي من الأمجاد يلبس هدومه =الفارس اللي ماخذ النور مضمار
و الا الكتوف اللي عليها نجومه =أعلى من المريخ من فوق الأقمار
يوم إن دمعي بشرني قدومه =في قبلة الرحمن و قبيل الأسحار
حل الرضا نفسي و جتني علومه =ما حال من دونه دراويز و أسوار
متعب و جيش الشعر موهن عزومه =بس الحكي في حضرته كله أشعار