محاورة

مصلح بن عياد :
ياسلام الله عليكم من هجوسٍٍ ماتبدل
مايغيرها الزمان ولايغيرها المكاني
نعم والله بالرجال اللي فعايلهم تجمل
واضحه مثل القمر والشمس وسهيل اليماني
مستور العصيمي:
مرحبا بالشاعر اللي كل ماقام يتحمل
اهرج اهرج مع عتيبه وانت مطلوق اللساني
انت راعي حجة تطلب طلب ولا تعلل
ماتجي لك ماتجي لك ياعميلي بالتماني
مصلح بن عياد :
كل ماعدل عصا دنياي عيت ماتعدل
والسنين الباقيه مدري تسع ولا ثماني
حجتي وردتها للعد وحبالي مفتل
والعصيمي شاب راسه بين ذاك وذاني
مستور العصيمي:
الشعر ماهو حديثٍ من كتاب الله منزل
وينها حجتك قلي يافلان ابن الفلاني
كيف صناع السلاح امن السلاح امسى معزل
وانت ساكن في ديار الخوف ولا في الاماني
مصلح بن عياد :
لشعر ماهو بمشروب السجاير والمعسل
اهرج اهرج من السانك واتكلم من لساني
انتظرني لين اجي ولا ازبن الرجل الموكل
ماعلي خلاف باقي لي ثلاثه من خواني
مستور العصيمي:
والله اني ماتعبت الا مع الناس المهبل
ترجم الكلمه تراني يالشبابي ترجماني
وان بغيت تعيدها ياصاحبي مصلح تفضل
يااهل الوادي نقول السيل اخير من السواني
مصلح بن عياد :
لاتحللها غلط ترا الغلط ماينتحلل
وانتبه للثالثه واليا هداك الله هداني
احتزمنا بالمجناند والخناجر والمفتل
ثم جيناكم صلاة الصبح في الحزم البياني
مستور العصيمي:
اسمعوا وش قال مصلح والدليله من تدلل
تاجدون الفرق مابين الدقايق والثواني
خطنا مشروع ماجينا مع خط التسلل
ان بعدنا قمت تزهم وان قربنا ماتداني
مصلح بن عياد :
لاتضيق من الحقيقه وانت لك عقل مدبل
حثها حث الركايب تلها تل الحصاني
ويش ادور يالعصيمي باقي المرقاب حول
كان ترضيك النصيحه طيعني قبل تعصاني