ماهي غريبة

نعم ماهي غريبة ان يسود بيننا التكافل الاجتماعي,, وأن يكون لامرائنا الكرام مواقف لاتنسى في هذا المجال, ولعل آخرها موقف سمو الأمير فيصل بن خالد الانساني حيث تكفل بنفقات علاج الشاعر الكبير صياف الحربي وكان لذلك أثره الكبير في نفوس الجميع وقد وردنا عدد من القصائد في هذا الموقف ننشر اليوم إحداها:
اللي تكفل في علاج ابن عواد
ليث على بذل المكارم تعوّد
ماهي غريبة وأنت منبع للامجاد
في كل يوم من الجمايل تزوّد
فيصل ولد خالد بفعل الوفا زاد
ياقل من لفعول فيصل يزود
لو هامها بعض البشر يقصر الماد
مره يبي الطوله ومره يهود
وصاه أبوه اللي على المرجله ساد
وفيصل بمضمون الوصيه تجود
تنشر لك البيضاء على روس الاشهاد
والسود لوجيه الاعادي تسود
وأقول للشاعر عسى أيامك جداد
وبالعافية جعلك لبيتك تعود
فهد بن هجاج الحربي