قصيد.. وليل

بصمة

وجه السهر يطلب الجيره
الوجد يوم اسهر القنديل
بالصدر فرجت اساريره
لي صاحب بالحقوق بخيل
بين على الحال تقصيره
بين المعاليق حط وشيل
مالي بغيره ولا غيره
ونّ القلم وانعش المنديل
عليه الا يالله الخيره
يا طاوي الوصل بالتأجيل
القلب فاحت مباهيره
الله على الصوت لو بالتيل
والبدو ما حولهم ديره
وادي الرشا يا عساه السيل
حتى تهابه مناعيره
في داركم يا دمار الهيل
عمار قلبي وتدميره
ليته درى مبطي التدليل
وش صار لي من مقاديره
يا عنك ما عاد أنا بالحيل
طيفه لفتني مساييره
الليل يا مستريح الليل
لو شافني شاف تأثيره
ذعار بن محيا