تصارحني

وانا ساري في عتمة الليل تحت الليل
الأفكار تقفاني وهذيك تنطحني
يغازل عيوني في ظلام الدجى قنديل
تقول ان نوره باللطافه يمازحني
وانا ودي أقرب حروته والزمان بخيل
أشوفه بعيني واشهب الويل ذابحني
يشعشع بضوحه كاشفه ما يبي تعليل
يقول الحفاوه واجبه وانت سامحني
بالاحسان يالقنديل لاتحرق المنديل
يكفيك ما قد صارلي يوم تجرحني
الا يا نديم العين يا فايق التدليل
ياليتك بعد ما أشغلت شوفي تصارحني
متى يبتسم حظ الشقاء والغيوم تسيل
يرفرف زماني والمسره تصافحني
طواني غرامك وانت مثلك يسل الحيل
دخيلك ومعروفك وطيبك أتريحني
ترى حالتي ما هيب تقدر على التحميل
خفايا علومي لو تخفّيت تفضحني
جبرني شعوري ما يطاوعني التمثيل
لياما سرابي يمة الشوق سرحني
ياشين انتظار المنتظر وانتطاره ويل
على الجمر كيف أصبر ورمضاه تلفحني
يا قنديل تكفى جمرتك ترحم المنديل
أنا أغليك وأنت اللي بدنياي ذابحني