الناس ما ترحم

يارب عفوك هلت العين دمعها
عزي لمن سمع القرايب نحيبها
ياربي ارحم ضعف حيلي وقوتي
الناس ما ترحم وقلبي بلي بها
والناس ما يدرون عن خافي العنا
يا خالق نفسي وتدري بغيبها
والناس ما يدرون بجروح ضامري
وأنت الوحيد اللي دواها طبيبها
البنت تفخر بأصلها وبخوالها
وأخوها ذراها لا فرا الوقت جيبها
وإن ضامها من جو الأيام ضايمه
ترجع لحضن الغاليه تلتجي بها
وأنا بلايه ما قدر أشكي وأبينه
أصبر على الجمره وصالي لهيبها
أنا عذابي من خوالي مصيبني
وبين القبايل بان للكل طيبها
أخاف يفضح ومع الأعيان سرها
ومن العواذل دمعتي يندري بها
ما لي جدا يا كود كتمي لعبرتي
وعيني بلاها صابها من جيبها
ظن المفارق لا أدهر الوقت واجبه
حسبته عذاب الرواح والله حسيبها
راح وترك لي جرح قلبي وحسرتي
ودمع العيون اللي تزايد صبيبها