لا تغيب

يا فتنة العاشق تراني دخيلك
من نظرتك من جمرتك من ثناياك
حسنك فضح كل الحسن في سبيلك
مثل الزهر يفضح تجاعيد الأشواك
مثل البدر والا البدر هو مثيلك
أكيد لا منه بغى النور ينخاك
أسرت نسناس الهوى في جديلك
وقيدت عود الريف في مشية خطاك
اكيد ان قيس الملوح قتيلك
ما مات من ليلى ولا ضوح الافلاك
ظما سنيني يقتله سلسبيلك
وروح الشتا تدفى على جال يمناك
سهاد حزني ينتهي في هديلك
ويظهر ربيع الوقت ان لاح طرياك
ان جيت تضحك دمعتي من مخيلك
وان غبت اسامرك بعتب واتحراك
لا لا تغيب وما بغيته يجيلك
لو قلت هات العمر لأقول لك جاك
سيف المشاعر والفكر يعتزيلك
قافٍ وراعي القاف يا زين يفداك