مجاراة

في عددكم الصادر يوم الثلاثاء
4-11-1426ه
للشاعر سلطان الجذع
وقد جاريته بقصيدة
أريد منكم نشرها في أقرب
وقت، وإن الأمل
يحدوني بصفحتكم المميزة
لتعيد للشعر ما فقده:
سر يا قلم واكتب قصيده مجاراه
وبنات فكري للقصيد معسوفه
للشاعر اللي هاضني زين مبداه
استوقفتني فالجزيره حروفه
يوم الجذع هجرس بقافه وغناه
يشكى الزمن والحب يشكيه جوفه
يقول بعض الشعر معذوم معناه
واقول شيء كل عاقل يشوفه
كم شاعر لو قال بيته وسواه
نفسه على العلم الرخيص مهفوفه
الشعر أله مثل الحميدي وشرواه
اللي على المنبر يشرف وقوفه
وما أكثر رجال الشعر والحرف والجاه
ومثلي ومثلك والرجال معروفه
ويا يشاعر الجذعان اخذ مني وصاه
درب الهوى خله وجنب طروفه
كم واحد قبلك مشى الدرب بخطاه
وأمسى يصفّق من ندامه كفوفه
الحب جرح مير صعب مداواه
لو زان لك لابد تبدي عجوفه
عنيت قيس بن الملوح وليلاه
ومات الدجيما من محبه هنوفه
وصلاه ربي عد ما هل منشاه
على النبي وإعداد ما أمطر قنوفه
مرزوق فهاد الربيعي