نجدد البيعة

الشعر له وقفات في بعض الأحوال
عند الرجال اللي تثمن وقوفه
قم يا قصيدي صار للشعر مدخال
وعطني من الشعر المصفى ظروفه
مشايل لا قلتها تطرب البال
تعجب جماهير الشعر من ضيوفه
قريحة الشاعر تحركها الأفعال
وده يقول اللي عيونه تشوفه
لو كان ما يحصي مزاياه لو قال
يعجز كتاتيبه ويعجز حروفه
ملك ملك عند العرب ماله أمثال
مواقفه عند الجميع معروفة
نجدد البيعة بتقدير وجلال
للي جمع شعبه ووحد صفوفه
له كلمة تبقى ترددها الأجيال
كلمة حكيم فرصته ما تطوفه
دام الشعب في خير فالخير لا زال
صرح بها وأعلن بها في وقوفه
يعيش أبو متعب لنا اسنيٍن طوال
الشعب في قلبه مثل دم جوفه
عز الأرامل والفقارى والأطفال
دمع اليتامي ينمسح من كفوفه
ياالله يا منزل تبارك والأنفال
تحفظ ملكنا من جواري صدوفه
بقلوب شعبه له معزه ومنزال
الشعب مخلص والقيادة عطوفه
يمناه في خدمة وطن تصرف المال
يصرف ومدات الكريم مخلوفه
عادل ومخلص للمهمات شيال
حكيم مدرك كاملات وصوفه
أرواحنا دون الوطن درع وظلال
حنا حصون له وحنا أسيوفه
لا جاد نهار فيه للأرض زلزال
القلب ما يعرف مذله وخوفه
وصلاة ربي عد ما هل همال
على محمد عد وابل قنوفه
سعود بن بدر بن شبيب المقاطي