متاهات ودروب

يا صاحبي لو ما الغلا فيك مكتوب
ما كان جيتك عشق بأول شبابه
يا للي عليك القلب بالود مجذوب
والنفس من فرقاك فيها كآبه
في نظرة عيونك متاهات ودروب
لا شفتها غصب على الكتابه
غلاك لو وزع على ناس وشعوب
كل يجيه من المحبة نصابه
خفيف دم وطيب النفس رعبوب
وكلك شموخ وكبرياء ومهابه
تزعل ولكن بالزعل عندك إسلوب
وترضى وتفتح للرضا كل بابه
ما تدري أنك وسط دنياي محسوب
وأن الأسامي في حضورك تشابه
تعال لو كلك تجاريح وذنوب
تعال لو كلك غموض وغرابه
ياكم تغنيتك على كل مسحوب
حتى تضايق منك قوس الربابه
ويا ما شكيتك وأصبح الدمع مسكوب
وياكم رجيت اللي جفاني غيابه
يا صاحبي لو ما الغلا فيك مكتوب
ما كان جيتك عشق فأول شبابه