هد طيرك

هلا نديمي هد طيرك ولا باس
يم المعنىّ كود تجلي العماسي
في هدتك للطير فرحه ونوماس
كن الهدد في خافقي له يقاسي
خذيت أنا مدة عذابات وإحساس
لا قادر أشكي هم ولا نيب ناسي
طير السعد يا فيصلي بين هالناس
اكفخ بجنحانك على تاج راسي
لا من ذكرتك حام بالفكر هوجاس
أنظم وأعيد البيت عسر المراسي
عندي يصير الحرف أغلى من الماس
وأبعد من الباس القوي في العساسي
عليك قلبي بين الأضلاع محتاس
نشفان ريق ونشف البعد كاسي
عندي على قولي شهودٍ من الناس
تشهد بعشقيلك ولو بي مآسي
ماني على ما قيل للهرج دساس
باح الخفا مني وأنا قبل راسي
أحب وصف الطير والناس جلاس
وأفخر في وصفه بين ربعي وناسي
أنا رفيقي طير ما أحب الإفلاس
اكفخ معه لا طار حسن الحواسي
أحب نوضة مبعد الشوف جسّاس
يضرب بكفه صاطي بافتراسي
أنا عشقت الطير والناس أجناس
جولت فكر تجلي عن النفس باسي
سعود بن الحسن بن سعود بن عبدالعزيز