مرحوم ياللي للمعالي هميم

هذه القصيدة في رثاء معالي الأمير مساعد الأحمد السديري -رحمه الله-
يا لله ياللي للسراير عليمي
يا مبدل عسر الليالي بتسهيل
يالمعتلي محي العظام الرميمي
أطلبك طلبة عابدٍ بآخر الليل
تدخل مساعد في جنان النعيمي
يوم السوال ويوم نفخة إسرافيل
عسى لها بطوبى قصرٍ ضخيمي
والحور يمه عاملاتٍ جواديل
مرحوم يا سمح الحجاج الكريمي
يالخير اللي من خيار المشاكيل
شيخٍ ولد شيخٍ أميرٍ زعيمي
ياما على فرقاك تبكي رجاجيل
ريف الضعيف الحاير المستظيمي
من شاهدك تنزاح عنه الغرابيل
يابن البطل يابن الحليم الحكيمي
بالفعل أحمد حصل المدح تحصيل
وقبله محمد نال مجد ضخيمي
يوم النظا مع جرهد البيد والخيل
هو خال هذاك الامام القديمي
بدرٍ سطع نوره لجيلٍ بعد جيل
مرحوم ياللي للمعالي هميمي
مرحوم يا شيخ للمقبرة شيل
ما فيه حي عن البلاوي سليمي
من عاش بالدنيا تصيده محابيل
مرحوم يا مساعد معيش اليتيمي
يابن السدارا كاسبين التنافيل
سجل لك التاريخ مجد مديمي
مجد يترّخ للسنين المقابيل
خال الحرار مطوعين الخصيمي
أهل الرياسة وبالسياسة حلاحيل
عسى الذي أجاب موسى الكليمي
يحفظ عياله طيبين المفاعيل
ويحفظ بنيخيه اللي تهين الغريمي
نقوة شيوخ له مناصب وتأهيل
وصلاة ربي عد ما هل ديمي
على النبي اعداد وبل الهماليل
حمود بن حمدان بن رمال الشمري