حنا توحّدنا

حنا توحدنا سوا ضد الإرهاب
واللي يزعزع أمننا ما نطيعه
اللي حصل ما عنه اليوم أسباب
يا اللي مشيتوا في دروب الخديعه
لا واخساره بعتوا الدين بتراب
يا أهل الغدر يا أهل النفوس الوضيعه
ما هي رضاة الرب في قطع الأرقاب
ولا النبي وصى بذنب الجزيعه
كم واحدٍ قد مات من نار منصاب
شيخ ومره وأطفال كانوا وديعه
وكم واحدٍ قد عاش والقلب مرتاب
بأسبابكم ضاقت عليه الوسيعه
انتم فتحتوا من جهنم لكم باب
وكلٍ على ما قيل يجزى صنيعه
من يقتل المسلم بلا ذنب وأسباب
كافر مخلد في سعيرٍ تشيعه
ما عاد باقي لكم بالدار ترحاب
اللي يبيع الدار حنا نبيعه
يبقى الفهد عالي على كل من عاب
شامخ يسد أبواب كل الذريعه