طرالي

وليفي يوم شعشع وبان النور
وليفي شبيه النور والنور من نوره
لياجت على بالي أحس بفخر وغرور
وهي تفتخر وتقول انا فيك مغروره
أنا اشهد شهادة حق ماهي شهادة زور
ماشفت من بين الصور مثلها صوره
وليفي يابو مازن يشابه بنات الحور
ولا فيه مثله بالغنادير غندوره
أبو غرةٍ مثل القمر والشعر منثور
ذبحني هواه وعقبه الروح مخطوره
وليفٍ سلب عقلي تركني بدون شعور
وعني منه لو عافت النوم معذوره
جرحني وحبه هو سبب جرحي المخطور
أحبه وهو للجرح طبه ودكتوره
أنا حالفٍ ما أنساه مهما الزمان يدور
تحملت من شانه شقاء الوقت مع جوره
حياتي بشوفه كلبوها فرح وسرور
عسى الدار دوم بشوفة الزين معموره
اطب دارٍ يصبح ترابها ممطور
وفيها الخزامى والنفل فاحت زهوره
يامر وينهاني وأنا المنهي المامور
وأنفذ له أمره وأمشي برايه وشوره
على شانه بيوت القصايد تجي بالدور
ولولاه ما أقرب غبة الشعر وأبحوره