وطنكم كيف تسعون لخرابه !!

يعود لحكم ربي في كتابه
أبا أطلب.. وانتخي.. وأرجي.. وأناشد
عساها دعوة تلقى استجابه
وطنّا مضرب الأمثال.. بأمنه
أبسأل وش فعلتوا به.. وأصابه؟
كفانا نفوس معصومه تقتل
وإعاقاتٍ.. وتيتيم.. وإصابه
أبسألكم سؤال وجاوبوني؟
جنيتو شيء.. اعطوني اجابه!
أبيكم تتقون الله.. فيكم
وطنكم.. كيف تسعون لخرابه؟
أبو فيصل لحقن الدم نادى
وأبو متعب تلى غالي خطابه
عطاكم فرصةٍ يا هي عظيمه
بيسامح من كل جانب صوابه
قيادتنا.. سياستها حكيمه
من أخطأ واعترف يأمن عقابه
أبي في الكون ديره مثل داري؟
لمواطنها على الرأس الغصابه
.. ورجال الدين قالوها صريحه
أفاضل رأيهم كله مهابه
ترى ما صار فتنه واتقوها
تكرر ما حصل وقت الصحابه
.. ورجال الأمن هم منّا وفينا
لهم تاريخ ناصع ينحكى به
لأهلنا.. وأهلكم عين سهيره
هدفهم تحمي الدار وترابه
لكم في العمري.. وصعبان قدوه
لهم شكر.. ومن الله المثابه
أحيي من غدّت روحه شجاعه
وتراجع عن خطاه اللي مشابه
نبي ما صار.. يصبح شي ماضي
سحابه مرت وعدت سحابه
سعد الشليل