الشاعر نواف الدبل أحد شعراء المنطقة الشرقية شارك في أمسية الشعر بمهرجان بريدة الترويحي وكانت افتتاحية مشاركته بهذه القصيدة الجميلة: إن قلتوا إن العقل بالجسم السليم أنا بقول العقل بالجسم الدمار عندي أدلة بان لي رأي حكيم باقولها وانتوا عليكم الاختيار الاوله: قررت أنقل للقصيم والثانيه: لقبتها بام الديار يا ام الديار اهواك من عهدك قديم يا بريدة اللي تختلف عن كل دار يا العاصمه ياللي محلك بالصميم لو يزعلون.. ولو يغار اللي يغار انتي الكرم كله.. وانا ماني لئيم من زادني حشمه ابادله الوقار وش عاد لو حتى صغير اهلك حشيم يعرف لوازيم الرجاجيل الكبار يوم اعجزوا يلقون بك شيء سقيم تطايروا باقلامهم مثل الشرار مسوا منابركم.. عساهم للجحيم ومسوا البشوت اللي لها كل اعتبار اما انا.. رايي على رأيي القديم مشايختكم لا يشق لهم غبار وجودهم وامثالهم.. والله العظيم انه يصحح مشينا باية مسار اسلامهم على الصراط المستقيم ما هو خرافات وتطرف وانتحار يكفي خطبهم بين زمزم والحطيم واسود لحاهم كنها وضح النهار الله يثبتهم على الدين القويم والله يا ندعي لهم ليل ونهار يا دار من عامك غدت عجتك غيم ويا دار في عامك سبقتي كل دار احياك من يحيى العظام وهي رميم برجال خلوا الرمل بنيان وعمار جيتك غريب.. وصرت في لحظه مقيم حسيت نفسي بين اخ وبين جار يوم اتصل تركي علي مثل النسيم (متين) بس اشلون هالانسان طار من الفرح قد طار بي قلب حميم ومن يومها وانا مرابط بالمطار والحين اعرف الدرب لا جيت القصيم على بريده.. لا يمين ولا يسار
