ردي خفوقي

ردّيه دام انه بشدّه ومدّه
لا تسرقين الشوق من عقر داره
يوم ان مثلك صار ما هوب قدّه
خليه للي ما اهتني في نهاره
خليه للي بيّح الوجد سدّه
في داخلي يا بنت هم ومراره
وجرحٍ توحّد بي وضيقه وشدّه
فيني بقايا عقل عاتب وشاره
ما غير اردّه لا نهاني واصدّه
ما دامني جيتك وانا حيل كاره
ما هوب ذنبي لا عصى الورع جدّه
ما هيب واللّه يا جروحي خساره
أذود عنك الشوق الاول والدّه
كان الشقى يلفي على النفس تاره
ترى الفرج يلفي ولو بعد مدّه
يا قلب ياللي حن لاول دياره
ودّه يجاملني ولا هوب ودّه
أنا دخيلك طق للهجر طاره
ترى الصبر عدّى بي اليوم حدّه
وردي خفوقي لا تشبين ناره
رديه دام انه يشدّه ومدّه