رحلة البوح

هلي وطلي وانعشي باقي الروح
ما باقياً للصبر.. فيني بقايا
ياما بنيت من الوهم مجد وصروح
والوقت ما وفى.. وعوده معايا
جروحنا في هالزمن ياهي جروح
نعيشها .. وتعيش بين الحنايا
اليا بغيناها.. عن الخالق تروح
أنشت سحايبها فعالي.. سمايا
هذي الليالي صمتها منقلب نوح
صداه يصدح بين ذيك الزوايا
ياكثر من أخطأ الوقت واقول مسموح
لني أشك أن الخطأ هو خطايا
نعيش بأمال على غير مصلوح
والياس برك بالخفوق.. المطايا
غوج الأماني سرجه اليوم مطروح
مرخي عنانه والحوافر حفايا
طال الطريق وطولت رحلة البوح
وسنينا ذي من وفاها عرايا
إلى متى والجد في وقتنا مزوح
في هالزمن مليت صمت الشفايا
يالله تعالى والخطا اليوم مدموح
شوفتك تغني عن جميع الهدايا
خلي السنين المجدبه وصلها يفوح
ما دام صبر باقيا .. به.. بقايا