عساك تسلم ياذرا شاكي الضيم

تحية الاسلام مع باقة ورود
حييت يا واف العهد والملازيم
يا المقرني ياالفيصلي ساس آل سعود
حفظك ربي يا تليد الصواريم
حفظ الأمانة والعهد فيك معهود
عضيد أبو فيصل عسى عمره يديم
حكام بالأمة سلاطين وأسود
على الشريعة حكمكم والتعاليم
في منهج القرآن والسيف مشدود
طبع الامام الفيصلي بك تقاسيم
حكمه وطيبه والكرم فيك مشهود
لعل طوبا له مقر وتنعيم
عبدالعزيز محدد الملك بحدود
اللي حكمها بالسيوف الصواريم
وثبت قواعدها على سهود ومهود
هلا تراحيب المطر ساعة الديم
حفظك رب البيت هو خير معبود
بزيارتك لخريم كنك لها ديم
استبشرت لزيارتك عطرها نود
ريح الخزامى والنفل فاح تكريم
والورد والكادي سبق ازرق العود
هلا وسهلا فيك زوار ومقيم
الخير بمحياك نواصيه معقود
للشعب من مالك حقوق ومقاسيم
فطرة وفاء وإخلاص يا منبع الجود
يا طيب السيرة ورمز المكاريم
يابو الضعيف اللي له الدخل محدود
عساك تسلم يا ذرا شاكي الضيم
ويعيد عيدك كل عام له تعود
وتعيش ويعيش الفهد للوطن غيم
يسلم بلدنا عاش والأمن في زود
يسلم بلدنا قلوبنا له مراسيم
على الولاء والعهد حنا له جنود
يسلم بلدنا عنه يخسى الشراذيم
ويحماه رب البيت من كل مقرود
سعد هذيل الفريدي الحربي /إدارة الموقع بروضة خريم