درب الحب

عزّمت أهاجر وأترك الحب وأهله
واللي حصل للقلب والحال كافي
ما عدت أدوّر في شقى الوقت مهله
وإشراق صبحي في سما الحزن طافي
ومثلي له الوحدة ترى لا يقه له
لا صار ما في الناس خلٍ مصافي
مشيت درب الحب صعبه وسهله
وساهرت ليله في الوصل والتجافي
ومارست طبع عرفه وجهله
ولا لقيت بهالطبع حضن دافي
اللي جنيته عين بالدمع نهله
وقلبٍ كسيرٍ يبكي بصوت خافي
والله عليم بحال بالحب كهله
تطرد ورى حلمٍ له سنين غافي
واليوم أودّع واترك الحب وأهله
والجرح له طبّ الزمن خير شافي
سعد العوجان