سعادة الاخ الفاضل المشرف على صفحة تراث الجزيرة بجريدة الجزيرة السلام عليكم ورحمة الله وبركاته ارجو التكرم بنشر هذه القصيدة المختارة من قصائد الشاعر عبدالله بن سعد بن عمار من شعراء محافظة ثادق وهي: البارحه سهر ودمعي يهلي كني صويب مستسم صوابه متذكر عقب البطا ديرة لي ثادق سقا الله سهلته مع هضابه احب ثادق من محبة هل لي جداني اللي دفنوا في ترابه وامي وابوي وعمي وعمة لي ومن لي قريب بكل ثادق شبابه يا طال ماهو يا سعد منزل لي عيشه لذيذ ومشرب من شرابه يا سعد عين اللي نزل ديرة لي ويا سعد عين اللي يشوف الغرابه 1 اللي نزل في ديرتي ما يملي لوه غريب كنهم له قرابه اولاد زايد بين غرس مضلي رجالهم درب الضفر ما يهابه وحلالهم في كل ريع يفلي والحرب الى جت ضربة هم حرابه وجيرانهم ضربة سيوف تسلي لاجا لزومه فاجرده من جرابه انشد هل التاريخ واهل السجلي وانشد هل المحمل ذياب الذيابه مانيب من اللي في كلامه يزلي اقول عن هاك السلف بالنيابه اقول عنهم والدلايل تدلي وابن عويدي 2 قبل ماجبت جابه يوم الجبالي 3 للبيارق يقلي والغزو في ساقة ذلوله دبابه وعبدالعزيز 4 اللي عدوه يولي دايم ركايبنا تباري ركابه لاجاه مندوب الجماعه يهلي يمد له يمناه ياخذ كتابه عساه في الجنات يا الله يا اللي يا الله يا اللي ما بعد صك بابه ارحم فقيد المملكه والمحلي عبدالعزيز اللي ضناه اعتزى به واختامها على نبيك نصلي محمد اللي صاحبوه الصحابه عبدالعزيز عبدالله العيسى محافظة ثادق * هوامش: 1 الغرابة: جبل مشهور في ثادق. 2 ابن عويدي: من شعراء ثادق المشهورين. 3 الجبالي هو الذي يحمل البيرق الخاص بأهل ثادق ايام غزوات الملك عبدالعزيز.
